Thor Odinson, conocíu principalmente como Thor, ye un personaxe ficticiu de los cómics publicaos por Marvel Comics, inspiráu nel dios homónimu de la mitoloxía nórdica. La versión de Marvel foi creada por Stan Lee, Larry Lieber y Jack Kirby y debutó en Journey into Mystery nᵘ 83, publicáu en 1962.Thor: Comics, Marvel.
Nos cómics, Thor ye fíu d'Odín y príncipe d'Asgard. Ye'l dios del tronu y tradicionalmente utiliza'l martiellu máxicu Mjolnir, que-y permite canalizar los sos poderes, controlar tormentes y volar. Ente los personaxes más venceyaos a la so historia tán Loki, Sif, Jane Foster y Balder.
Thor ye ún de los miembros fundadores de los Vengadores, xunto con Iron Man, Hulk, Ant-Man y Wasp. A lo llargo de la so historia editorial participó en numberosos acontecimientos del universu Marvel y enfrentóse a enemigos como Loki, Hela, Enchantress, Malekith y Gorr the God Butcher.Avengers In Comics Members, Enemies, Powers, Marvel.
Nel Universu cinematográficu de Marvel, Thor ta interpretáu por Chris Hemsworth y debutó na película Thor (2011). Posteriormente protagonizó Thor: The Dark World, Thor: Ragnarok y Thor: Love and Thunder, amás d'apaecer nes películes de los Vengadores. El personaxe siguió protagonizando distintes series de cómic, incluyendo les llargues etapes escrites por Jason Aaron.Read Jason Aaron's Complete Thor Saga, Marvel.
Referencies
Enllaces esternos
Categoría:Personaxes de Marvel Comics Categoría:Superhéroes de Marvel Comics Categoría:Vengadores Categoría:Personaxes basaos na mitoloxía nórdica Categoría:Personaxes creaos por Stan Lee Categoría:Personaxes creaos por Jack Kirby Categoría:Personaxes creaos en 1962