Frieza (フリーザ, Furīza) ye un personaxe ficticiu de la franquicia Dragon Ball, creada por Akira Toriyama, y ún de los sos principales antagonistes. Ye un tiranu extraterrestre que dirixe un gran exércitu y conquista planetes pa estender el so dominiu. La so primer forma, pese al so tamañu relativamente pequeñu, tien un nivel de poder declaradamente enorme y permite-y controlar parte del so potencial.Exhibición de personajes semanal ☆ # 23: ¡ First Form de Frieza!, sitiu oficial de Dragon Ball.
Frieza tuvo baxo'l so mandu a los Saiyajin y temía la posibilidá de que surdiera'l llexendariu Super Saiyajin. Esa preocupación llevólu a destruyir el Planeta Vegeta, provocando casi la estinción de la especie. Años dempués viaxa al Planeta Namek col oxetivu de reunir les Boles de Dragón y consiguir la inmortalidá.
Nel enfrentamientu de Namek, Frieza revela sucesives tresformaciones que-y permiten aumentar considerablemente'l so poder. Combate contra Vegeta, Son Gohan, Krillin y Piccolo antes d'enfrentase a Son Goku. La muerte de Krillin provoca la primer tresformación de Goku en Super Saiyajin y da pasu al combate central del arcu.Weekly ☆ Character Showcase #101: Second Form Frieza!, sitiu oficial de Dragon Ball.
Tres sobrevivir a la destrucción de Namek, Frieza ye reconstruyíu parcialmente con componentes mecánicos y viaxa a la Tierra col so padre, King Cold, pa vengase de Goku. Ellí ye derrotáu por Trunks del futuru. Posteriormente'l personaxe resucita y algama una nueva tresformación conocida como Golden Frieza, incorporándose a les histories de Dragon Ball Super.Presentación semanal de personajes n.° 187: ¡Mecha Frieza!, sitiu oficial de Dragon Ball.
Referencies
Enllaces esternos
Categoría:Personaxes de Dragon Ball Categoría:Villanos de manga y anime Categoría:Extraterrestres de ficción Categoría:Personaxes de manga y anime Categoría:Personaxes creaos en 1989