Reid Garrett Hoffman ye un empresariu, inversor y escritor d'Estaos Xuníos, conocíu principalmente por ser cofundador de LinkedIn. Tamién foi miembru del equipu inicial de PayPal, sociu de la firma de capital riesgu Greylock Partners y cofundador de les empreses d'intelixencia artificial Inflection AI y Manas AI.«Reid Hoffman», Greylock.
Estudió sistemes simbólicos na Universidá Stanford, onde se graduó en 1990, y completó posteriormente un máster en filosofía na Universidá d'Oxford como becariu Marshall. Nos años 1990 trabayó en Apple y fundó la empresa SocialNet. Incorporóse dempués a PayPal, onde foi vicepresidente executivu y responsable de les rellaciones esternes.
En 2003 cofundó LinkedIn, una rede social orientada a les rellaciones profesionales. Exerció como direutor executivu nos primeros años de la empresa y posteriormente como presidente executivu. En 2009 incorporóse como sociu a Greylock, dende onde participó n'inversiones en numberoses empreses tecnolóxiques.«Reid Hoffman», Stanford Institute for Human-Centered Artificial Intelligence.
Na década de 2020 aumentó la so actividá nel campu de la intelixencia artificial. En 2022 cofundó Inflection AI y en 2025 participó na creación de Manas AI, orientada a l'aplicación de la intelixencia artificial a la investigación biomédica. Ye tamién autor y coautor de llibros sobre emprendimientu y tecnoloxía, ente ellos The Start-Up of You, Blitzscaling y Superagency.
Referencies
Enllaces esternos
Categoría:Persones nacíes en 1967 Categoría:Nacíos en Palo Alto Categoría:Empresarios y empresaries d'Estaos Xuníos Categoría:Inversores d'Estaos Xuníos Categoría:Escritores d'Estaos Xuníos Categoría:Alumnáu de la Universidá Stanford Categoría:Alumnáu de la Universidá d'Oxford