MetOp-SG-A2 ye un satélite meteorolóxicu européu de la misión MetOp-SG, desarrollada pola Axencia Espacial Europea (ESA) en collaboración con EUMETSAT. Va ser el segundu de los trés satélites de tipu A de la segunda xeneración del programa MetOp y ta destináu a garantizar la continuidá de les observaciones meteorolóxiques y climátiques realizaes pol MetOp-SG-A1. El so llanzamientu ta previstu pa 2032.«MetOp-SG facts and figures». Axencia Espacial Europea. Consultáu'l 3 de setiembre de 2026.
Como'l restu de satélites MetOp-SG de tipu A, MetOp-SG-A2 va llevar seis instrumentos científicos: l'Infrared Atmospheric Sounding Interferometer New Generation (IASI-NG), el Microwave Sounder (MWS), el Meteorological Imager (METimage), un sondeador de radioocultación, el Multiviewing, Multichannel, Multipolarisation Imager (3MI) y l'espectrómetru Sentinel-5. Con ellos va poder obtener perfiles de temperatura y humidá atmosfériques, datos sobre ozonu y otros gases traza, aerosoles, nubes, xelu y temperatures de la superficie terrestre y de los océanos.«MetOp-SG satellites». Axencia Espacial Europea. Consultáu'l 3 de setiembre de 2026.
El satélite va operar nuna órbita heliosíncrona cuasipolar inclinada 98,7°, a unos 832 km d'altitú y con un ciclu de repetición de 29 díes. Esta órbita permite una cobertura global diaria, con observaciones más frecuentes nes rexones polares. La vida útil nominal prevista ye de siete años y mediu, incluyendo aproximadamente seis meses de puesta en serviciu, y el diseñu incorpora consumibles suficientes pa unos nueve años y mediu.«MetOp-SG facts and figures». Axencia Espacial Europea. Consultáu'l 3 de setiembre de 2026.
MetOp-SG-A2 va formar parte del segundu par operacional de la misión xunto con MetOp-SG-B2, cuyo llanzamientu ta previstu pa 2033. La misión completa consta de trés pares sucesivos de satélites A y B, separaos aproximadamente por intervalos de siete años, col oxetivu de proporcionar una serie continua de datos meteorolóxicos y climáticos europeos durante polo menos 21 años.«MetOp Second Generation». Axencia Espacial Europea. Consultáu'l 3 de setiembre de 2026.
Referencies
Enllaces esternos
Categoría:Satélites meteorolóxicos Categoría:Satélites de l'Axencia Espacial Europea Categoría:EUMETSAT Categoría:2032 Categoría:Satélites artificiales futuros