La basura espacial o residuos espaciales ye'l conxuntu d'oxetos artificiales non funcionales que permanecen n'órbita terrestre o que tán reentrando na atmósfera terrestre. Inclúi satélites fuera de serviciu, etapes de cohete abandonaes, adaptadores de carga y fragmentos producíos por esplosiones, desintegraciones o choques ente oxetos espaciales.What is space debris?, Axencia Espacial Europea.
Dende l'entamu de la era espacial, la cantidá d'oxetos artificiales alredor de la Tierra aumentó considerablemente. Una parte de los residuos de mayor tamañu puede siguise dende tierra mediante radar y telescopios, pero esiste una población muncho mayor de fragmentos pequeños difíciles de detectar. Inclusive un fragmentu de pocos centímetros puede causar daños graves a un satélite por cuenta de les altes velocidaes orbitales.Space Debris FAQ, Axencia Espacial Europea.
La concentración de residuos ye especialmente importante na órbita terrestre baxa y nes rexones utilizaes polos satélites xeostacionarios. Les colisiones pueden producir nuevos fragmentos y aumentar el riesgu de choques posteriores, un procesu en cadena plantegáu teóricamente nel denomináu síndrome de Kessler.
Les midíes pa reducir el problema inclúin diseñar satélites y etapes superiores que puedan abandonase de forma segura al final de la so vida útil, evitar esplosiones accidentales, retirar les naves de les órbites más utilizaes y desarrollar sistemes de retirada activa de residuos. L'Axencia Espacial Europea impulsa, ente otres iniciatives, el programa Zero Debris pa reducir la producción de nuevos residuos orbitales.
Ver tamién Síndrome de Kessler Órbita terrestre baxa Satélite artificial Reentrada atmosférica Contaminación espacial
Referencies
Enllaces esternos
Categoría:Basura espacial Categoría:Contaminación Categoría:Astronáutica