Manuel González-Carvajal y Fernández de la Buria (Sotu'l Barcu, Asturies, 3.IV.1797 – La Habana, Cuba, 1862) Tabaqueru astur del S.XIX.
Biografìa Asturianu de nacencia, llegó a La Habana nun momentu mui bonu pal negociu del tabacu: Fernando VII aboliera l’estancu en 1817 y el tabacu podía comercializase llibremente; yá s’algamara unos niveles más que aceptables d’industrialización y inda tardaríen en llegar les crisis de finales del sieglu XIX. Dio los sos primeros pasos nel negociu del tabacu na fábrica Cabañas, propiedá de Francisco Álvarez Cabañas, que llevaba produciendo puros dende 1797.
La rellación ente Cabañas y Carvajal foi mui fructífera: dambos constituyeron una sociedá mercantil pa la esplotación de la marca y la fábrica. Amás, Manuel casóse cola so fía, María de Jesús Álvarez Cabañas y Pérez. Entós Francisco Cabañas punxo a Manuel al frente de dellos de los sos negocios y arrendó-y la fábrica de tabacu. Más alantre, designólu curador ad litem de tolos sos fíos, designación que se fixo efectiva cuando Cabañas morrió en Wajay en 1828.
María de Jesús heredó del so padre la fábrica de puros y una casa na cai Obrapía, númberu 13. Esto supunxo l’ascensu social y económicu del matrimoniu: instaláronse nuna quinta allugada na Calzada del Cerro, númberu 579.
Bibliografìa J. de la Pezuela, Diccionario geográfico, estadístico e histórico de la isla de Cuba, Madrid, Imprenta y Fundición de Manuel Tello, 1886 F. J. Santa Cruz y Mallén, Historia de las familias cubanas, La Habana, Hércules, 1940 J. Rivero Muñiz, Tabaco. Su historia en Cuba, La Habana, Instituto de Historia, Academia de Ciencias de la República de Cuba, 1965 J. S tubbs, Tobacco on the periphery: a case study in Cuban Labour history, 1860-1958, Cambridge, University Press, 1985 D. González Fernández, “Empresarios asturianos del tabaco en Cuba. Siglo xix”, en J. Uría González et al., Asturias y Cuba en torno al 98. Sociedad, economía, política y cultura en la crisis de entresiglos, Barcelona, Labor, 1994 Francisco Erice: “Los asturianos en Cuba y sus vínculos con Asturias: rasgos y desarrollo de una colectividad regional en la etapa final del colonialismo español”, en P. Gómez Gómez (coord.), De Asturias a América. Cuba (1850-1930). La comunidad asturiana de Cuba, Oviedo, Principado de Asturias-Universidad de Oviedo-Ayuntamiento de Allande-Archivo de Indianos, 1996 A. M. Fernández Muñiz y A. M. Martín Fernández: Los González del Valle y González Carvajal. Cuba 1840-1881, La Habana, 1999.
Referencies Real Academia de la Historia
Categoría:Nobles d'Asturies