El monumentu a Octaviu Augustu ye una de les más de cien escultures, monumentos y obres d'arte qu'adornen les cais de Xixón. Ta asitiada nel parque del Campu Valdés, nel cascu históricu de la ciudá, percerca de les termes romanes y empobinao mirando escontra la badea de la sablera de San Llorienzu.
Descripción La escultura ye obra de Francisco González Macías, mide más de 3m d'altu y foi asitiada na ciudá en 1971, ta fecha de bronce y representa una réplica de la conocía obra Augusto de Prima Porta en Roma. Foi encargada pela ciudá en 1970 pa conmemorar el pasáu romanu de la mesma y honrar a Augustu , l'emperador responsable de la conquista del Conventus Asturicensis. Allugada orixinalmente al pie de la muralla del Palaciu de Valdés, en 1995 foi treslladada al so allugamientu actual, metanes la restauración y puesta en valor del complexu de les termes romanes.
Referencies
Categoría:Monumentos de Xixón