Lalage sueurii ye una especie d'ave paseriforme de la familia Campephagidae que vive nes islles de la Sonda. Nel pasáu incluyíase dientro d'esta especie al oruguero tricolor (L. tricolor) d'Australia y Nueva Guinea pero anguaño considérase una especie estreme.
Descripción Ye un páxaru bastante pequeñu, con unos 17 cm de llargor. El so picu ye gris cola punta negra y les sos pates son netros. El machu tien el plumaxe de les partes cimeres principalmente negru y el de les inferiores blancu. Tien el obispillo gris, llistes superciliares blanques y les ales enllordiaes de blancu y les plumes esteriores de la cola tamién blanques. Les femes tienen un patrón de color similar pero sustituyendo'l negru por tonos pardos nes partes cimeres y tienen un finu llistáu negru nes partes inferores.
L'oruguero pío tien un aspeutu similar pero ye llixeramente más pequeñu y tien les sos llistes superciliares blanques son más anches y tien más blancu nes ales. El machu del oruguero tricolor nun tien llistes superciliares blanques.
Distribución y hábitat Alcuéntrase en Célebes, l'este de Xava y la totalidá de les islles menores de la Sonda, distribuyíu por Indonesia y Timor Oriental.
Habita en montes abiertos, sabanes y terrenes agrícoles. Aliméntase d'inseutos, qu'atrapa con frecuencia llanzándose rápido al suelu dende'l so posaderu.
Referencies
Bibliografía MacKinnon, John & Phillipps, Karen (1993) A Field Guide to the Birds of Borneo, Sumatra, Java and Bali, Oxford University Press, Oxford. Strange, Morten (2001) A Photographic Guide to the Birds of Indonesia, Christopher Helm, Londres.
Enllaces esternos
Semeyes n'Oriental Bird Images
Tricolor Categoría:Aves del Sureste Asiáticu Categoría:Animales descritos en 1818