'''Stagonopleura bella ye una especie d'ave paseriforme de la familia Estrildidae nativa d'Australia.
Descripción Midi ente 10 y 13 cm de llargu y pesa unos 14 g. El so plumaxe ye principalmente marrón oliva. Tien el pechu blancu con un finu patrón de llinies escures. Na tiesta tien un antifaz negru con aniellos de color azul maciu alredor de los güeyos y un gruesu picu colloráu. L'obispillu ye d'un colloráu intensu y les pates de color rosa cremosu. Les ales y la cola son curties y arrondaes. Los páxaros xuveniles son menos coloríos con una mázcara facial más pequeña y el picu coritu. Los machos tienen l'abdome negru.
Distribución y hábitat Ye endémica del sureste d'Australia. El so área de distribución estiéndese dende Newcastle a la isla Canguro, sicasí, ye más prolíficu en Tasmania y nes islles costeres. Vive en pandoriales, montes y arbustos costeros, nunca lloñe de l'agua. La so preferencia polos hábitat cercanos al agua demuéstralo un estudiu de la so incidencia nes zones forestales intactes del Victorian Highlands Central, onde s'atopa casi puramente na zona riparia.Palmer, G.C. (2005). Habitat use and distribution of the Beautiful Firetail (Stagonopleura bella) in foothill forests of the Victorian Highlands, Australia. Emu 105,233–239.
Comportamientu Aliméntase principalmente de granes de verde y de Casuarina y Melaleuca. Tamién puede atopase n'asociación con pandoriales de Banksia ericifolia de la mariña de Nueva Gales del Sur. Dacuando complementen esta dieta herbívora con pequeños inseutos y cascoxos. Son atopaos xeneralmente en pareyes o formando pequeños grupos d'hasta 20 individuos.
Reproducción La temporada de cría dura d'ochobre a xineru, los niales son construyíos na xamasca trupo cerca'l suelu. El nial ta fechu de yerba y ramines fines col interior cubiertu de plumes. Dambos padres constrúin el nial xuntos, la fema pon d'ente cuatro a ocho güevos que son guaraos mientres unos 20 díes, y los pitucos dexen el nial dempués d'otros 20 díes. A les cuatro selmanes son dexaos a la so suerte y algamen el maduror sexual ente los nueve y los dolce meses d'edá.
Subespecies Reconócense trés subespecies: S. b. bella – sureste d'Australia y Tasmania; S. b. interposita – sur y sureste d'Australia; S. b. samueli – sur d'Australia (isla Canguro y montes Lofty).
Referencies
Enllaces esternos
BirdLife International species factsheet
bella Categoría:Aves d'Australia Categoría:Animales descritos en 1801