1 Aquarii (1 Aqr)1 Aqr -- Star in double system (SIMBAD) ye una estrella de magnitú aparente +5,15. Alcuéntrase dientro la constelación d'Acuariu mui cerca de la llende cola vecina Aquila. D'alcuerdu al nuevu amenorgamientu de los datos de paralaxe d'Hipparcos, allúgase a 233 ± 11 años lluz de distancia del Sistema Solar.
Como otres munches estrelles del cielu nocherniegu —por casu τ2 Aquarii o 88 Aquarii, nesta mesma constelación— 1 Aquarii ye una xigante naranxa. Tien tipu espectral K1III y una temperatura efectivo ente 4688 y 4839 K, cifra que varia según la fonte consultada. El so radiu ye 11 vegaes más grande que'l radiu solar, polo que'l so tamañu ye cuasi igual al de Pólux (β Geminorum), la xigante naranxa más próxima a nós. Xira sobre sigo mesma con una velocidá de rotación proyeutada de 1,8 km/s. Ye 54 vegaes más lluminosa que'l Sol y ye una estrella del discu finu. Tien una masa envalorada de 1,46 mases solares y una edá averada de 4760 millones d'años.
1 Aquarii amuesa una metalicidá —bayura relativa d'elementos más pesaos que l'heliu— comparable a la del Sol ([Fe/H] = +0,09). La gran mayoría de los elementos evaluaos presenten niveles daqué mayores a los solares —sacante'l praseodimiu [Pr/H] = -0,08—, reparándose para siliciu y manganesu la mayor estrema respectu, siendo dambos un 66% más abondosos que nel Sol.
Referencies
Categoría:Estrelles Categoría:Xigantes naranxes Categoría:Constelación d'Acuariu