18 Delphini (18 Del / HD 199665 / HR 8030) ye una estrella de magnitú aparente +5,5218 Del -- Star in double system (SIMBAD) asitiada na constelación del Delfín. En 2008 anuncióse'l descubrimientu d'un planeta estrasolar n'órbita alredor d'esta estrella.
Asitiada a unos 238 años lluz del Sistema Solar, 18 Delphini ye una xigante mariella de tipu espectral G6III con una temperatura superficial de 4980 K. Con una lluminosidá equivalente a 40 soles, ye intrínsecamente menos lluminosa qu'otres xigantes más conocíes como Vindemiatrix (ε Virginis) o Nekkar (β Bootis), siendo igualmente de menor tamañu qu'éstes, con un radiu 8,5 vegaes más grande que'l radiu solar. La so masa ye 2,3 vegaes mayor que la masa solar, con un conteníu de fierro respectu al d'hidróxenu llixeramente inferior al del Sol ([Fe/H] = -0,05). La so lluminosidá en rayos X suxer una llixera actividá cromosférica. La edá de 18 Delphini envalórase en daqué menos de 800 millones d'años.
Sistema planetariu
El planeta, denomináu 18 Delphini b, ta asitiáu a 2,6 UA de la estrella, completando una órbita cada 993,3 díes. La so masa ye de siquier 10,3 vegaes la masa de Xúpiter.18 Delphini (The Estrasolar Planets Encyclopaedia) Afayóse por espectroscopia Doppler dende'l Observatoriu Astrofísicu d'Okayama en Xapón.
Ver tamién Llista de planetes estrasolares
Referencies
Categoría:Estrelles Categoría:Planetes estrasolares Categoría:Constelación de Delphinus Categoría:Sistemes planetarios