2 Puppis (2 Pup) ye un sistema estelar na constelación de Puppis que s'atopa a 276 años lluz del Sistema Solar. Ta compuestu poles estrelles 2 Puppis A (HD 62864 / HR 3010)HR 3010 -- Star in double system (SIMBAD) y 2 Puppis B (PV Puppis / HD 62863 / HR 3009).V* PV Pup -- Spectroscopic binary (SIMBAD)
2 Puppis A ye una estrella blanca de la secuencia principal de magnitú aparente +6,04. De tipu espectral A2V, funde hidróxenu nel so nucleu al igual que'l Sol, pero ye más caliente qu'ésti, con una temperatura superficial d'aproximadamente 8700 K. Xira sobre sigo mesma a una velocidá de siquier 72 km/s y emplega más de 30.000 años en completar una órbita alredor de 2 Puppis B. ι Centauri o Alfecca Meridiana (α Coronae Australis) son estrelles de carauterístiques allegaes a les de 2 Puppis A.
De la mesma, 2 Puppis B ye una estrella binaria que les sos componentes son estrelles de tipu A8V práuticamente idéntiques. La componente principal, 4,90 vegaes más lluminosa que'l Sol, tien una masa de 1,57 mases solares y un radiu un 54% más grande que'l radiu solar. El so acompañante —con 1,55 mases solares y un radiu un 50% mayor que'l radiu solar— tien el 96% de la lluminosidá de la so compañera. La velocidá de rotación proyeutada pa dambes ye de 43 km/s. Tamién comparten la mesma temperatura, 6920 K. La so edá envalórase en 400 millones d'años.
2 Puppis B ye una binaria eclipsante, polo que recibe la denominación, tocantes a estrella variable, de PV Puppis. El so periodu orbital ye de 1,6607 díes, siendo'l semiexe mayor de la órbita 0,04 UA. L'eclís principal y el secundariu son práuticamente iguales, con un amenorgamientu de rellumu de 0,44 ~magnitúes, cuando una de les estrelles intercepta la lluz de la so compañera.
Referencies
Categoría:Estrelles blanques de la secuencia principal Categoría:Estrelles variables Categoría:Constelación de Puppis