42 Capricorni (42 Cap / HD 206301 / HR 8283)37 V* BY Cap -- Variable of RS CVn type (SIMBAD) ye una estrella binaria na constelación de Capricorniu de magnitú aparente +5,18.42 Capricorni (The Bright Star Catalogue) La so duplicidá afayóse por Lunt en 1918.
La componente principal del sistema ye una subxigante mariella de tipu espectral G1IV con una temperatura averada de 5637 K. Tien una lluminosidá 6,6 vegaes mayor que la del Sol y el so radiu ye 2,6 vegaes más grande que'l radiu solar. Ye una estrella evolucionada qu'abandonó la secuencia principal; cuando nació, hai aproximadamente 3700 millones d'años, yera una estrella más caliente de tipu F4V. La componente secundaria ye una nana mariella de tipu G2V bien similar al Sol que relluma con una lluminosidá apenes un 10% mayor que la lluminosidá solar. La so masa ye un 4% inferior a la masa solar, mientres la so compañera tien una masa un 42% mayor qu'ella, polo qu'evolucionó enantes. El periodu orbital d'esta binaria ye de 13,174 díes. La escentricidá de la órbita ye ε = 0,176.
El sistema tien una metalicidá llixeramente inferior a la solar ([Fe/H] = -0,05). Amuesa actividá cromosférica y ta catalogáu como variable RS Canum Venaticorum. La variación de rellumu ye de 0,05 magnitúes y recibe el nome —tocantes a estrella variable— de BY Capricorni.BY Cap (General Catalogue of Variable Stars) Alcuéntrase a 106 años lluz de distancia del Sistema Solar.
Referencies
Categoría:Estrelles Categoría:Subxigantes Categoría:Nanes marielles Categoría:Estrelles binaries Categoría:Estrelles variables Categoría:Variables RS Canum Venaticorum Categoría:Constelación de Capricorniu