8 Leporis (8 Lep)8 Lep -- Star (SIMBAD)8 Leporis (The Bright Star Catalogue) ye una estrella na constelación de Lepus, la llebre, de magnitú aparente +5,22. Acordies col nuevu amenorgamientu de los datos de paralax del satélite Hipparcos, alcuéntrase a 505 pársecs o 1646 años lluz del Sistema Solar. Ye miembru de l'Asociación estelar Orion c, al igual que 55 Orionis y V1046 Orionis.
8 Leporis ye una subxigante blancu-azulada de tipu espectral B2IV. Ye una estrella caliente con una temperatura superficial de 21.150 K y una lluminosidá bolométrica —qu'inclúi una importante cantidá d'enerxía radiada como lluz ultravioleta— 12.060 vegaes mayor que la lluminosidá solar. El so radiu ye cinco veces más grande que'l del Sol y xira sobre sigo mesma con una velocidá de rotación proyeutada de 15 km/s. Les sos carauterístiques son asemeyaes a les de Decrux (δ Crucis) o Lesath (υ Scorpii), pero ta muncho más alloñada qu'éstes.
8 Leporis presenta una metalicidá inferior a la solar ([Fe/H] = -0,31). Tien una masa de 10,1 ± 0,5 mases solares y la so edá cífrase en 21,7 millones d'años. La so masa xusto devasa la llende percima del cual les estrelles rematen la so vida españando en forma de supernova.
Referencies
Categoría:Estrelles Categoría:Subxigantes Categoría:Constelación de Lepus