Alkes (α Crateris / α Crt / 7 Crateris)LTT 4040 -- High proper-motion Star (SIMBAD) ye una estrella na constelación de Crater de magnitú aparente +4,08, la segunda más brillosa de la mesma dempués de Labrum (δ Crateris). El so nome, del árabe A la Ka's, significa «la copa», n'alusión al conxuntu de la constelación. Alcuéntrase a 174 años lluz de distancia del Sistema Solar.
Alkes ye una xigante naranxa de tipu espectral K1III con una temperatura superficial de 4725 K. Ye 80 vegaes más lluminosa que'l Sol y tien una masa envalorada de 2,5 mases solares. Ye una de les munches xigantes de similar temperatura y lluminosidá, en que'l so nucleu'l heliu se funde en carbonu y oxíxenu; Arturu (α Bootis) y Aldebarán (α Tauri) son dos brillosos exemplos.Alkes (Stars, Jim Kaler) El so radiu ye 13 vegaes más grande que'l radiu solar.
L'alta velocidá relativa de Alkes respectu al Sol (unos 130 km/s) indica que ye una estrella proveniente d'una zona distinta de la galaxa. Con una metalicidá comparable a la solar ([Fe/H] = -0,06), paez claro que ye orixinaria del bulbu galácticu, parte interna de la galaxa arriquecida en metales.
Referencies
Categoría:Estrelles Categoría:Xigantes naranxes Categoría:Constelación de Crater