BD-08 2823 o BD-08º2823 (HIP 49067 / G 162-12) ye una estrella na constelación de Sextans de magnitú aparente +9,86.G 162-12 -- High proper-motion Star (SIMBAD) En 2009 afayáronse dos planetes estrasolares orbitando alredor d'esta estrella.
BD-08 2823 ye una nana naranxa de tipu espectral K3V con una temperatura efectivo de 4646 ± 63 K. Ye una estrella de carauterístiques asemeyaes a les de Gliese 783 A o Gliese 892, pero ta siete veces más alloñada qu'éstes, yá que s'atopa a 138 años lluz del Sistema Solar. La so velocidá de rotación ye de siquier 1,4 km/s, siendo el so periodu de rotación d'aproximadamente 26,6 díes. Exhibe una metalicidá —bayura relativa d'elementos más pesaos que'l heliu— bien paecida a la del Sol ([Fe/H] = -0,07 ± 0,03). La so masa ye de 0,74 ± 0,07 mases solares y amuesa actividá cromosférica. Anque la so edá nun ye bien conocida, piénsase que ta nel rangu de 4500 ± 4000 millones d'años.
Sistema planetariu
El planeta más interior del sistema, llamáu BD-08 2823 b, tien una masa 14,4 vegaes mayor que la masa de la Tierra y completa una órbita cada 5,6 díes. L'otru planeta, llamáu BD-08 2823 c, orbita a una distancia media de 0,68 UA de la estrella. Tien 1/3 de la masa de Xúpiter y el so periodu orbital ye de 237,6 díes.BD-082823 (The Estrasolar Planet Encyclopaedia)
Ver tamién Llista de planetes estrasolares
Referencies
Categoría:Estrelles Categoría:Nanes naranxes Categoría:Sistemes planetarios Categoría:Planetes estrasolares Categoría:Constelación de Sextans