BO Carinae (BO Car / HD 93420 / SAO 238447)BO Car - Pulsating Variable Star (SIMBAD) ye una estrella variable na constelación de Carina. De magnitú aparente máxima +7,18, ye una estrella alloñada que s'atopa a una incierta distancia. La so posible pertenencia al cúmulu estelar Trumpler 15 dexa envalorar que ta a 2500 pársecs (8150 años lluz) del Sistema Solar.
BO Carinae ye una superxigante colorada de tipu espectral M4I con una temperatura efectivo de 3525 K. Tien un radiu 790 vegaes más grande que'l del Sol, lo qu'equival a 3,7 UA polo que si tuviera nel centru del Sistema Solar, los cuatro planetes más cercanos al Sol —ente ellos la Tierra— taríen englobados nel interior de la estrella. La so lluminosidá bolométrica —considerando toles llonxitúes d'onda— algama les cifra de 78.000 vegaes la lluminosidá solar. Pierde masa en forma de polvu a razón de 0,3 × 10-9 mases solares per añu.
Catalogada como una variable irregular LC —al igual que TZ Cassiopeiae o V528 Carinae—, el rellumu de BO Carinae fluctúa ente magnitú +7,18 y +8,15, ensin que se conoza periodicidá dalguna.BO Carinae (General Catalogue of Variable Stars)
Ver tamién Llista d'estrelles variables Llista d'estrelles más grandes conocíes
Referencies
Categoría:Estrelles Categoría:Superxigantes coloraes Categoría:Estrelles variables Categoría:Variables irregulares Categoría:Constelación de Carina