Celeno o Celaeno (16 Tauri / HD 23288 / HR 1140)Celeno (SIMBAD) ye una estrella na constelación de Tauru que forma parte del cúmulu abiertu de les Pléyades. La so magnitú aparente ye +5,45 y alcuéntrase a unos 440 años lluz de distancia. Dacuando ye conocida como la Pléyade Perdida, yá que —sacante Asterope—, ye la más tenue ente les estrelles d'esti cúmulu que tienen nome propiu. El so nome correspuende a una de les siete Pléyades, fíes del titán Atles y la oceánide Pléyone.
Celeno apaez catalogada como una subxigante blancu-azulada de tipu espectral B7IVCelaeno (The Bright Star Catalogue) con una temperatura de 13.200 K. 240 vegaes más lluminosa que'l Sol, el so radiu ye 3 vegaes mayor que'l radiu solar. Tien una velocidá de rotación de siquier 185 km/s, lo que la lleva a completar una vuelta en menos de 19 hores. D'alcuerdu al profesor Jim Kaler, nel so interior l'hidróxenu sigue tresformándose en heliu, polo que nun ye una verdadera subxigante, si non una estrella de la secuencia principal; d'alcuerdu a la so masa equivalente a 3,7 mases solares—, la so permanencia na secuencia principal ye de 225 millones d'años, ente que la edá de les Pléyades ye de namái 130 millones d'años.
Celeno ye una estrella binaria con una compañera cercana, detectada per aciu interferometría, a 0,0062 segundos d'arcu. Seis veces más tenue que la estrella principal, el so rellumu correspuende a una estrella blanca de tipu A3, distante menos de 1 UA de la estrella principal, con un periodu orbital llixeramente inferior a mediu añu.
Referencies
Categoría:Estrelles Categoría:Subxigantes Categoría:Estrelles binaries Categoría:Cúmulu de les Pléyades Categoría:Constelación de Tauru