CU Draconis (CU Dra / 10 Draconis / HD 121130)CU Draconis - Variable star (SIMBAD) ye una estrella variable na constelación de Draco de magnitú aparente media +4,62. Alcuéntrase a 391 años lluz del Sistema Solar.
CU Draconis ye una xigante colorada de tipu espectral M3.5III con una temperatura efectivo de 3660 K. La so lluminosidá ye 840 vegaes superior a la lluminosidá solar, siendo la mayor parte de la so radiación emitida nel infrarroxu invisible. De metalicidá daqué baxa, el so conteníu relativo de fierro ye un 75% de la solar. Como otres xigantes coloraes, el so tamañu ye muncho más grande que'l del Sol; el so radiu ye 72 vegaes más grande que'l radiu solar, equivalente a 0,43 UA o al 87% de la distancia que dixebra a Mercuriu del Sol. Nun se conoz el so periodu de rotación, yá que esti tipu d'estrelles roten amodo.
La masa de CU Draconis ye malo de determinar, pero puede tar entendida ente 1,5 y 2 mases solares. El so estáu evolutivu nun se conoz con exactitú; puede tar empezando la ignición del heliu en carbonu y oxíxenu, o puede escosar el so heliu internu aumentando en rellumu —per segunda vegada— con un nucleu inerte de carbonu-oxíxenu. Ye una variable irregular, con una oscilación nel so rellumu de 0,15 magnitúes.10 Draconis (Stars, Jim Kaler)
Referencies
Categoría:Estrelles Categoría:Xigantes coloraes Categoría:Constelación de Draco