Delta Doradus (δ Dor / HD 39014 / HR 2015)Delta Doradus (SIMBAD) ye una estrella de la constelación de Doráu de magnitú aparente +4,34. Ye la cuarta más brillosa de la mesma dempués de α Doradus, β Doradus y γ Doradus. Alcuéntrase a 145 años lluz de distancia del Sistema Solar.
Delta Doradus ye una estrella blanca de la secuencia principal de tipu espectral A7V con una temperatura superficial de 8360 K. Del mesmu tipu espectral que Altair (α Aquilae), γ Crateris o θ Cassiopeiae, ye más lluminosa que cualesquier d'elles, siendo la so magnitú absoluta +1,10. Tien un radiu 2,1 vegaes mayor que'l radiu solarCatalogue of Stellar Diameters (CADARS) (VizieR, SIMBAD) y xira sobre sigo mesma con una velocidá de rotación igual o mayor a 172 km/s. La so edá envalórase en 590 millones d'años. Coles mesmes, amuesa un escesu de radiación infrarroxo a 60 μm.
Delta Doradus ye la Estrella Polar del sur na Lluna. Anque meyor alliniada col polu celeste que Polaris (α Ursae Minoris) na Tierra, ye sicasí muncho más tenue qu'ésta.
Referencies
Categoría:Estrelles Categoría:Estrelles blanques de la secuencia principal Categoría:Constelación de Doráu Categoría:Órbita de la Lluna