Delta Trianguli (δ Trianguli / δ Tri / 8 Trianguli) ye una estrella de la constelación de Triangulum de magnitú aparente +4,84. Ye una binaria espectroscópica que s'atopa relativamente próxima a la Tierra, a 35 años lluz de distancia. Forma parte de l'Asociación estelar de Zeta Herculis.
La estrella principal del par, Delta Trianguli A, ye una nana mariella de tipu espectral G0.5V y 5900 K de temperatura. Relluma con una lluminosidá ente 0,8 y 1,1 vegaes la que tien el Sol y el so radiu ta entendíu ente 0,86 y 0,98 radios solares —los númberos difieren según autores—. La so masa ye igual, o llixeramente cimera, a la del Sol.
Dada la proximidá ente los dos componentes del sistema, el tipu espectral de Delta Trianguli B nun ye bien conocíu. Menos lluminosa que'l Sol, el so tipu espectral paez tar entendíu ente K4 y G9, con una lluminosidá alredor de un terciu de la lluminosidá solar. Anque'l sistema nun puede ser resueltu visualmente, la órbita foi calculada a partir d'observaciones d'interferometría. La separación ente les dos estrelles ye de namái 0,106 UA, menos d'un terciu de la distancia esistente ente Mercuriu y el Sol. Completen la órbita, práuticamente circular, en 10,02 díes.
La estrella que s'atopa más próxima al sistema estelar Delta Trianguli ye GJ 3147, nana colorada a 1,8 años lluz.
Ver tamién Llista d'estrelles brilloses más cercanes
Referencies
<div class="references-small"> Delta Trianguli (SIMBAD) Delta Trianguli (Stars, Jim Kaler) Delta Trianguli (Solstation) </div class="references-small">
Categoría:Estrelles Categoría:Nanes marielles Categoría:Estrelles binaries Categoría:Constelación de Triangulum