EQ Pegasi (EQ Peg / GJ 896 / HIP 116132)EQ Pegasi - Flare star (SIMBAD) ye un sistema estelar na constelación de Pegasu. Asitiáu a 20,7 años lluz de distancia, ye unu de los 100 sistemes más cercanos al Sistema Solar.The One Hundred Nearest Star Systems (RECONS) La estrella conocida más cercana a esti sistema ye Gliese 880, a 3,96 años lluz de distancia.Stars within 15 light-years of EQ Pegasi (The Internet Stellar Database)
EQ Pegasi ye una estrella binaria que les sos componentes son dos nanes coloraes. La más brillosa d'elles, EQ Pegasi A (GJ 896 A / LHS 3965), tien tipu espectral M3.5V y magnitú aparente +10,38. La so temperatura efectivo ye de 3280 K y la so masa ye un terciu de la masa solar. Tien un radiu equivalente al 38% del radiu solar.Catalogue of Stellar Diameters (CADARS) (Pasinetti-Fracassini+ 2001) La so velocidá de rotación ye bien alta pa una estrella de les sos carauterístiques —14 km/s—, siendo el so periodu de rotación de 1,066 díes.
La estrella acompañante, EQ Pegasi B (GJ 896 B / LHS 3966),LHS 3966 - High proper-motion Star (SIMBAD) tien tipu M4.5V y magnitú aparente +12,40. Menos masiva y lluminosa que la so compañera —la componente A ye ente 6 y 10 vegaes más brillosa qu'ella—, tien una masa averada de 0,16 - 0,19 mases solares. Tien una temperatura de 3080 K y un radiu equivalente al 23% del radiu solar.Catalogue of Stellar Diameters (CADARS) (Pasinetti-Fracassini+ 2001) La so velocidá de rotación —24,2 km/s— ye entá mayor que la de la componente A, una y bones dambes estrelles tienen el mesmu periodu de rotación.
La separación ente dambes componentes ye de 6 segundos d'arcu y el periodu orbital del sistema puede ser de 359 díes. La metalicidá de EQ Pegasi A paez ser cimera a la del Sol nun 20% y la edá del sistema envalórase en 950 millones d'años. Dambes estrelles son estrelles acandilantes actives, tantu en rayos X como nel ultravioleta estremu (EUV).
Referencies
Categoría:Estrelles Categoría:Nanes coloraes Categoría:Estrelles binaries Categoría:Estrelles variables Categoría:Estrelles acandilantes Categoría:Constelación de Pegasu