Eta Capricorni (η Cap / 22 Capricorni / HD 200499 / HR 8060)Eta Capricorni (The Bright Star Catalogue)IDS 20587-2015 AB -- Double or multiple star (SIMBAD) ye una estrella binaria na constelación de Capricorniu. Ye tamién conocida pol nome de Armus,Armus (The Fixed Stars) utilizáu namái dacuando. De magnitú aparente +4,86, alcuéntrase a 158 años lluz del Sistema Solar.
La estrella principal d'Eta Capricorni ye una estrella blanca de la secuencia principal de tipu espectral A5V. Asemeyáu a Sheratan A (β Arietis) o a Alya A (θ Serpentis), tien una temperatura superficial de 8081 K. La so lluminosidá ye 26 vegaes superior a la lluminosidá solar y tien una masa 2,08 vegaes mayor que la del Sol. Xira sobre sigo mesma con una velocidá de rotación proyeutada de 61 km/s.
De la so compañera estelar —visualmente a 0,30 segundos d'arcu— namái se sabe que tien magnitú +7,39 y que completa una órbita alredor del so brillosu compañera cada 28 años. Amás, la órbita ye considerablemente escéntrica (ε = 0,39). La edá d'esta binaria envalórase en 500 millones d'años.
Tocantes a la composición química del sistema, la rellación oxíxenu/hidróxenu ye daqué inferior a la solar ([O/H] = -0,10), siendo'l so conteníu metálico tamién menor que nel Sol ([Fe/H] = -0,21). A esceición del sodiu, que la so bayura relativa ye comparable a la de la nuesa estrella, otros elementos evaluaos como siliciu, calciu o bariu amuesen niveles per debaxo de les solares.
Referencies
Categoría:Estrelles Categoría:Estrelles blanques de la secuencia principal Categoría:Estrelles binaries Categoría:Constelación de Capricorniu