Eta Cephei (η Cep / 3 Cephei)LHS 3578 -- High proper-motion Star (SIMBAD) ye una estrella na constelación de Cepheus de magnitú aparente +3,41. Ye la quinta estrella más brillosa de la constelación, siendo superada por α, γ, β y ζ Cephei. Magar nun tien nome propiu habitual, xunto a θ Cephei dacuando ye conocida como Al Kidr.
Asitiada a 47 años lluz del Sistema Solar, Eta Cephei ye una subxigante naranxa de tipu espectral K0IV con una temperatura efectivo de 4858 ± 78 K. La so lluminosidá ye 9,2 vegaes mayor que la lluminosidá solarEta Cephei (Stars, Jim Kaler) y la midida del so diámetru angular considerando'l escurecimientu de llimbu, 2,65 ± 0,04 milisegundos d'arcu, dexa evaluar el so diámetru real, 4,1 vegaes más grande que'l del Sol. Xira amodo sobre sigo mesma, con una velocidá de rotación proyeutada de 3,3 km/s.
Eta Cephei tien un conteníu metálico daqué inferior a la solar, siendo'l so índiz de metalicidá [Fe/H] = -0,13. Los niveles d'otros elementos como siliciu y cobaltu son bien paecíos a los del Sol, al igual qu'asocede pa elementos del procesu-s como itriu, circoniu y ceriu. El so velocidá relativa respectu al Sol de 104 km/s —7 vegaes superior a la media— según la so baxa metalicidá, suxeren que pue ser una visitante de rexones más esternes de la galaxa. Con una masa un 60% mayor que la masa solar, la edá d'Eta Cephei envalórase en 1600 millones d'años.
Ver tamién Llista d'estrelles brilloses más cercanes
Referencies
Categoría:Estrelles Categoría:Subxigantes Categoría:Constelación de Cepheus