Eta Sagittarii (η Sgr / HD 167618 / HR 6832) ye una estrella na constelación de Saxitariu de magnitú aparente +3,10. Recibe los nomes, raramente utilizaos, de Sephdar, del árabe الصفدر al-safdar, «guerreru violentu», y Ira Furoris, proveniente del llatín y que'l so significáu ye «roxura furioso». D'antiguo recibió'l nome de Beta Telescopii (β Tel).
A diferencia de la mayor parte de les estrelles na constelación, que son estrelles azules calientes, Eta Sagittarii ye una xigante colorada fría de tipu espectral M3.5III. Con una lluminosidá —incluyida la radiación emitida nel infrarroxu— 585 vegaes superior a la del Sol, el so radiu ye 62 vegaes más grande que'l radiu solar, equivalente a trés cuartes partes de la distancia ente Mercuriu y el Sol. Como otres estrelles asemeyaes, Eta Sagittarii ye una variable irregular con una variación nel so rellumu de 0,07 magnitúes, non perceptible a simple vista. Alcuéntrase a 149 años lluz de distancia del Sistema Solar.
Eta Sagittarii forma un sistema binariu con una compañera de magnitú +7,8 visualmente a 3,6 segundos d'arcu. A partir del so rellumu, puede deducise qu'ésta última ye una nana mariella —probablemente de tipu F7V— a una distancia real de la estrella xigante de siquier 165 UA. Emplega 1270 años a lo menos en completar la so órbita.
Referencies
<div class="references-small"> Eta Sagittarii (SIMBAD) Eta Sagittarii (The Bright Star Catalogue) Eta Sagittarii (Jim Kaler, Stars) </div class="references-small">
Categoría:Estrelles Categoría:Xigantes coloraes Categoría:Nanes marielles Categoría:Estrelles binaries Categoría:Estrelles variables Categoría:Variables irregulares Categoría:Constelación de Saxitariu