GJ 1105 (HIP 38956 / LHS 1963 / G 111-47)LHS 1963 - High proper-motion Star (SIMBAD) ye una estrella que s'atopa a 26,6 años lluz de distancia del Sistema Solar. Asitiada na constelación de Llobu cerval 5º al este d'Alsciaukat (31 Lyncis), ye una tenue nana colorada de magnitú aparente +12,04. Les estrelles conocíes más cercanes a GJ 1105 son QY Aurigae y Gliese 338, respeutivamente a 7,1 y 9,5 años lluz.Stars within light-years of Giclas 111-47 (The Internet Stellar Database)
GJ 1105 tien tipu espectral M3.5 V, siendo una estrella de carauterístiques asemeyaes a Ross 154, G 99-49 o la Estrella de Luyten. A diferencia de les dos primeres, nun esiste constancia de que seya una estrella acandilante. La so masa ye aproximao una cuarta parte de la masa solar y relluma con una lluminosidá —nel espectru visible— igual al 0,09% de la que tien el Sol. La so metalicidá ye inferior a la solar ([Fe/H] = -0,15), siendo la so bayura relativa de fierro aproximao'l 70% de la esistente nel Sol.
Referencies
Categoría:Estrelles Categoría:Nanes coloraes Categoría:Constelación de Llobu cerval