Gliese 250 (GJ 250 / HD 50281 / HIP 32984) ye un sistema estelar asitiáu na constelación de Monoceros —l'unicorniu—, al nordeste de M50, sur de δ Monocerotis y suroeste de Procyon (α Canis Minoris).
Gliese 250 ye una estrella binaria, que la so componente principal, Gliese 250 A (LHS 1875), ye una nana naranxa de magnitú aparente +6,57 y tipu espectral K3V.Gliese 250 A (SIMBAD) La so masa equival al 80% de la masa solar y el so radiu, menor que'l del Sol, ye aproximadamente un 78% del mesmu. La so lluminosidá tan solo supón el 14,6% de la lluminosidá solar.
La estrella secundaria, Gliese 250 B (LHS 1876),Gliese 250 B (SIMBAD) ye una nana colorada de tipu M2.5V con magnitú aparente +10,05. Los sos parámetros de masa y diámetru son aproximadamente la metá de los del Sol, siendo la so lluminosidá de 0,0058 soles, un 4% de la que tien la estrella principal. La separación ente les componentes A y B ye de 58 segundos d'arcu, qu'a la distancia envalorada de 28,4 años lluz de la Tierra, equival a pocu más de 500 UA.
Los sistemes más próximos a Gliese 250 son LHS 1951, a 7,6 años lluz, binaria compuesta por dos nanes coloraes, y Gliese 283, sistema binariu formáu por una nana blanca y una nana colorada, distante 8,1 años lluz.
Ver tamién Llista d'estrelles brilloses más cercanes
Referencies
Categoría:Estrelles Categoría:Estrelles binaries Categoría:Nanes naranxes Categoría:Nanes coloraes Categoría:Constelación de Monoceros