Gliese 453 (GJ 453 / HD 103932 / HIP 58345 / LHS 319)LHS 319 -- High proper-motion Star (SIMBAD) ye una estrella asitiada na parte central de la constelación d'Hidra, a unos dos graos y mediu de la llende coles constelaciones de Cuervu y Crater. Con magnitú aparente +6,97, ye demasiáu tenue pa ser reparada a simple vista. Alcuéntrase a 33,2 años lluz del Sistema Solar; Gliese 432, a 4,6 años lluz de distancia, ye'l sistema estelar más cercanu a Gliese 453.
De tipu espectral K5V, Gliese 453 ye una nana naranxa con una temperatura superficial de 4510 K. Al igual que'l Sol, la so enerxía provién de la fusión nuclear del hidróxenu en heliu, pero la so lluminosidá ye bien inferior al de la nuesa estrella. De carauterístiques asemeyaes a ε Indi o Gliese 673, relluma con una lluminosidá equivalente al 15% de la lluminosidá solar. Más pequeña que'l Sol, el so diámetru ye un 72% del diámetru solar y la so masa ye un 22% inferior. La so metalicidá (bayura relativa d'elementos más pesaos que'l heliu), ye un 45% mayor que la del Sol.
Gliese 453 pue ser una estrella binaria espectroscópica,Gliese 453 (ARICNS)Gliese 453 (The Internet Stellar Database) figurando como tal na base de datos ARICNS.
Ver tamién Llista d'estrelles brilloses más cercanes
Referencies
Categoría:Estrelles Categoría:Nanes naranxes Categoría:Constelación d'Hidra