Gliese 521 (GJ 521 / HIP 66625)G 177-50 -- High proper-motion Star (SIMBAD) ye una estrella na constelación de Canes Venatici, los perros de caza. Visualmente alcuéntrase 3º al sur de 24 Canum Venaticorum anque, de magnitú aparente +10,26, nun ye observable a simple vista. Ta asitiada, d'alcuerdu al amenorgamientu de los datos de paralax d'Hipparcos (76,87 ± 1,61 milisegundos d'arcu), a 42,4 años lluz del Sistema Solar. Les estrelles conocíes más cercanes a ella son Gliese 532 y Gliese 537, distantes 4,1 y 7,2 años lluz respeutivamente. La brillosa θ Bootis ta a 8,4 años lluz de distancia.Stars within 15 light-years of Bonner Durchmusterung +46°1889 (The Internet Stellar Database)
Gliese 521 ye una nana colorada de tipu espectral M2.0V. Muncho más tenue que'l Sol, tien una lluminosidá bolométrica —qu'inclúi la lluz infrarroxo emitida— equivalente al 3,8% de la lluminosidá solar, anque ye muncho más lluminosa qu'otres nanes coloraes más próximes como Proxima Centauri o Wolf 359. Tien una temperatura efectivo de 3493 ± 50 K. La so masa equival al 51% de la masa solar y tien un radiu igual al 62% del radiu solar. Xira sobre sigo mesma con una velocidá de rotación proyeutada ente 0,9 y 2,0 km/s, lo que trai que'l so periodu de rotación pue ser d'hasta 38 díes. Presenta un conteníu metálico paecencia al del Sol, siendo'l so índiz de metalicidá [M/H] = -0,02.
Referencies
Categoría:Estrelles Categoría:Nanes coloraes Categoría:Constelación de Canes Venatici