Gliese 615 (GJ 615)LHS 413 -- High proper-motion Star (SIMBAD) ye una estrella de magnitú aparente +7,54. Ta encuadrada na constelación de Norma, la regla, y alcuéntrase a 45,3 años lluz del Sistema Solar. Gliese 613 alcuéntrase a 2,3 años lluz d'ella.Stars within 15 light-years of Cape Photographic Durchmusterung -57°7690 (The Internet Stellar Database)
Gliese 615 ye una nana naranxa de tipu espectral K3V. Más fría que'l Sol —la so temperatura superficial ye de 4916 ± 46 K—, relluma con una lluminosidá bolométrica equivalente al 19% de la lluminosidá solar. Tien el 60% de la masa solar y el so diámetru, evaluáu a partir de la midida del so diámetru angular (0,41 milisegundos d'arcu), correspuende al 61% del que tien el Sol. Xira sobre sigo mesma con una velocidá de rotación proyeutada de 5,0 km/s.
Gliese 615 amuesa un índiz de metalicidá desaxeradamente baxu ([Fe/H] = -1,39), siendo la so bayura relativa de fierro igual al 4% de la solar. Tolos elementos evaluaos son muncho más escasos que na nuesa estrella, siendo esti enclín especialmente acusáu nel casu del bariu ([Ba/H] = -1,52). Ye una estrella más antigua que'l Sol, que la so edá, envalorada a partir de la so actividá cromosférica, puede superar los 7700 millones d'años.
Ver tamién Llista d'estrelles brilloses más cercanes
Referencies
Categoría:Estrelles Categoría:Nanes naranxes Categoría:Constelación de Norma