Gliese 625 (GJ 625 / HIP 80459 / G 202-48)G 202-48 -- High proper-motion Star (SIMBAD) ye una estrella na constelación de Draco visualmente asitiada 2,5º al noroeste de 16 y 17 Draconis. Tien magnitú aparente +10,17, polo que nun ye observable a simple vista. Alcuéntrase a 21,5 años lluz del Sistema Solar; dientro de 220.000 años va algamar la so mínima separación respeutu al Sistema Solar, que va ser daqué inferior a 16 años lluz. La estrella conocida más cercana a Gliese 625 ye Gliese 661, distante 4,27 años lluz.Stars within 15 light-years of Gliese 625 (The Internet Stellar Database)
Gliese 625 ye una nana colorada de tipu espectral M2.0V. Diversos estudios ufierten cifres distintes pa la so temperatura superficial, ente 3350 y 3570 K. Tien una lluminosidá bolométrica —en toles llonxitúes d'onda— equivalente al 1,4% de la que tien el Sol. Xira sobre sigo mesma con una velocidá de rotación proyeutada igual o inferior a 3,4 km/s. Amuesa una metalicidá —bayura relativa d'elementos más pesaos que'l heliu nuna estrella— notablemente inferior a la solar ([Fe/H] = -0,44). Tien una masa de 0,35 mases solares y piénsase que ye una estrella nueva de 500 millones d'años d'edá.
Gliese 625 forma parte de la corriente d'estrelles de l'Asociación estelar del sietestrellu, qu'inclúi, ente otres estrelles, a DL Draconis, Ross 128 y EV Lacertae,Children of Kapteyn's stream II (SIMBAD) estos dos últimes tamién nanes coloraes.
Referencies
Categoría:Estrelles Categoría:Nanes coloraes Categoría:Constelación de Draco