HD 109930 (HIP 61687 / G 13-50 / NLTT 31380)G 13-50 (SIMBAD) ye una estrella na constelación de Virgu de magnitú aparente +8,52. Alcuéntrase 1º al sur de la eclíptica a 42 minutos d'arcu al noroeste de 25 Virginis. Alcuéntrase a 141 años lluz de distancia del Sistema Solar.
HD 109930 ye una nana naranxa de tipu espectral K0V, una estrella de la secuencia principal que llogra la so enerxía de la fusión d'hidróxenu nel so nucleu. Más fría que'l Sol, la so temperatura ye d'aproximao 5095 K, siendo la so lluminosidá en redol al 84% de la lluminosidá solar. Destaca pola so elevada metalicidá, con un conteníu relativo de fierro 2,60 vegaes mayor que'l del Sol, unu de los valores más altos conocíos. Dada la correllación esistente ente metalicidá y presencia de sistemes planetarios, les estrelles con una alta metalicidá son d'especial interés na busca de planetes estrasolares.
A 8,5 segundos d'arcu de HD 109930, esiste una acompañante de tipu K4 y magnitú +9,66. La estrella, denomada NLTT 31381 (G 13-50F),G 13-50F (SIMBAD) tien el mesmu movimientu propiu que HD 109930, polo que paez tar gravitacionalmente xunida a ésta. Si esti ye'l casu, la separación ente dambes estrelles ye de siquier 370 UA, unes 12 vegaes la distancia esistente ente Neptunu y el Sol.
Referencies
Categoría:Estrelles Categoría:Nanes naranxes Categoría:Estrelles binaries Categoría:Constelación de Virgu