HD 142022 ye una estrella binaria asitiada na constelación d'Octans, visualmente a 42 minutos d'arcu de ρ Octantis. Tien magnitú aparente +7,69, polo que nun ye observable a simple vista. En 2005 afayóse un planeta estrasolar orbitando alredor de la componente principal d'esti sistema estelar.
HD 142022 A La componente principal, HD 142022 A, ye una estrella mariella subxigante o nes etapes finales de la secuencia principal; el so tipu espectral ye G9IV-V,LTT 6382 -- High proper-motion Star (SIMBAD) anque tamién foi clasificada como K0V. Tien una temperatura efectivo de 5499 ± 27 K y ye práuticamente igual de lluminosa que'l Sol. Xira sobre sigo mesma con una velocidá de rotación proyeutada —llende inferior de la mesma— de 1,2 km/s. Tien una masa de 0,99 mases solares y ye una estrella antigua, con una edá averada de 12.000 millones d'años.
La metalicidá de HD 142022 A, datu estrechamente rellacionáu cola presencia de sistemes planetarios, ye cimeru a la solar nun 55% ([Fe/H] = +0,19). Otros elementos como níquel, magnesiu y siliciu son tamién más abondosos que na nuesa estrella.
HD 142022 B La estrella secundaria, HD 142022 B, ye una nana naranxa de tipu K7 y magnitú +11,2.LTT 6384 -- High proper-motion Star (SIMBAD) Constitúi una binaria amplia con HD 142022 A; la separación visual ente elles ye de 22 segundos d'arcu, permaneciendo constante dende 1920 hasta 2000, lo que pon a les clares que dambes estrelles formen un verdaderu sistema binariu. La separación proyeutada ente dambes estrelles ye de 820 UA.
El sistema alcuéntrase a 112 años lluz del Sistema Solar.
Sistema planetariu
En 2005 foi afayáu un planeta estrasolar alredor de HD 142022 A utilizando'l espectrógrafu CORALIE instaláu nel Observatoriu de La Silla (Chile). Denomináu HD 142022 A b, tien una masa mínimo 5,1 vegaes mayor que la de Xúpiter. Muévese a una distancia media de 3 UA al respective de la estrella y la so órbita ye marcadamente escéntrica (ε = 0,53). Completa una vuelta alredor de HD 142022 A cada 1928 díes.HD 142022 A (The Estrasolar Planets Encyclopaedia)
Col fin d'estudiar la composición d'hipotéticos planetes terrestres, evaluáronse les rellaciones C/O y Mg/Si en HD 142022 A. La rellación C/O ye 0,91, lo qu'implica que, a diferencia del Sistema Solar, el carbonu alcuéntrase en forma de grafitu y carburos (carburu de titaniu y carburu de siliciu). Silicatos de fierro y magnesiu como olivino y piroxeno tamién taríen presentes nes rexones más alloñaes de la estrella.
Ver tamién Llista de planetes estrasolares
Referencies
Categoría:Estrelles Categoría:Subxigantes Categoría:Nanes naranxes Categoría:Estrelles binaries Categoría:Sistemes planetarios Categoría:Constelación de Octans