HD 208487 (HIP 108375 / CD-38 14804 / SAO 213432)NLTT 52496 - High proper-motion Star (SIMBAD) ye una estrella na constelación de Grus, la grulla, de magnitú aparente +7,47. Puede alcontrase visualmente 47 minutos d'arcu al suroeste d'Aldhanab (γ Gruis). Distante 144 años lluz del Sistema Solar, dende 2004 conozse la esistencia d'un planeta estrasolar confirmáu alredor d'esta estrella.
HD 208487 ye una nana mariella asemeyada al Sol de tipu espectral G2 V. La so temperatura efectivo paez tar entendida ente 5929 y 6146 K —nun esiste consensu al respeutu— y ye un 60% más lluminosa que'l Sol. Tien un diámetru un 20% más grande que'l diámetru solar. La so bayura relativa de fierro ye comparable a la solar, siendo'l so índiz de metalicidá [Fe/H] = +0,08. Más masiva que la nuesa estrella, la so masa ye un 18% mayor que la masa solar y piénsase que ye una estrella más nueva que'l Sol, con una edá envalorada de 3880 millones d'años.
Sistema planetariu
HD 208487 b ye'l nome que recibe'l planeta estrasolar descubiertu en 2004. La separación media al respective de la estrella ye de 0,49 UA, anque la órbita ye claramente escéntrica (ε = 0,32). Tarda 123 díes en completar una órbita y tien una masa mínimo igual al 45% de la masa de Xúpiter.HD 208487 (The Estrasolar Planet Encyclopaedia)
Postulóse la esistencia d'un segundu planeta —HD 208487 c— per aciu inferencia bayesiana de los datos de velocidá radial. Anque primero pensóse que'l periodu orbital del segundu planeta yera de 908 díes, una solución orbital alternativa de 28 díes tamién ye posible. Piénsase que lo más probable ye que l'actividá de la estrella seya la responsable de los residuos marxinales detectaos na velocidá radial.
Ver tamién Llista de planetes estrasolares
Referencies
Categoría:Estrelles Categoría:Nanes marielles Categoría:Sistemes planetarios Categoría:Planetes estrasolares Categoría:Constelación de Grus