HD 39194 ye una estrella na constelación austral de Mensa de magnitú aparente +8,07.LHS 210 -- High proper-motion Star (SIMBAD) En 2011 afayáronse trés planetes estrasolares n'órbita alredor d'esta estrella.
HD 39194 ye una nana naranxa de tipu espectral K0V que s'atopa a 84 años lluz del Sistema Solar. Más fría que'l Sol, tien una temperatura superficial de 5205 ± 23 K y relluma con una lluminosidá equivalente al 36% de la lluminosidá solar. Envalórase que'l so radiu correspuende al 81% del radiu solar,Catalogue of Stellar Diameters (CADARS) xirando sobre sigo mesma con una velocidá de rotación proyeutada —llende inferior de la mesma— de 2 km/s. Tien una masa igual a 0,59 mases solares y nun presenta actividá cromosférica.
HD 39194 presenta un conteníu metálico claramente inferior al del Sol. Anque dependiendo de la fonte consultada'l so índiz de metalicidá [Fe/H] varia ente -0,41 y -0,61, la so bayura relativa de fierro podría ser namái una cuarta parte de la del Sol.
Sistema planetariu
Los trés planetes qu'orbiten alredor de HD 39194 fueron afayaos col espectrómetru HARPS instaláu nel telescopiu de 3,6 metros d'ESO nel Observatoriu de La Silla, Chile. Toos ellos son «supertierres», con mases entendíes ente 3,7 y 5,9 vegaes la masa de la Tierra. Atópense mui cerca de la estrella —ente 0,05 y 0,17 UA— y, consecuentemente, los periodos orbitales son bien curtios, ente 5,6 y 33,9 díes.HD 39194 (The Estrasolar Planets Encyclopaedia)
Ver tamién Llista de planetes estrasolares
Referencies
Categoría:Estrelles Categoría:Nanes naranxes Categoría:Sistemes planetarios Categoría:Planetes estrasolares Categoría:Constelación de Mensa