HD 4208 (HIP 3479 / SAO 166526 / GJ 9024) ye una estrella de magnitú aparente +7,79G 269-23 - High proper-motion Star (SIMBAD) asitiada na constelación de Sculptor cerca de la llende con Cetus. Alcuéntrase a 107 años lluz de distancia del Sistema Solar. En 2001 anuncióse'l descubrimientu d'un planeta estrasolar n'órbita alredor d'esta estrella.
HD 4208 ye una nana mariella de tipu espectral G5V que tien una temperatura efectivo de 5585 ± 50 K. Menos lluminosa que'l Sol, relluma col equivalente al 71% de la lluminosidá solar. El so radiu ye ente'l 89% y el 91% del radiu solar y tien una masa que correspuende al 83% de la masa solar. La so edá envalorada, 4470 millones d'años, ye práuticamente idéntica a la de la nuesa estrella.HD 4208 (The Estrasolar Planets Encyclopaedia)
El conteníu de fierro de HD 4208 namái supón el 58% del que tien el Sol, a diferencia d'otres estrelles con planetes xigantes, onde paez haber una rellación ente la esistencia d'estos planetes y una elevada metalicidá —bayura relativa d'elementos más pesaos que'l heliu—. Apocayá cuestionóse dicha rellación, suxiriéndose que la presencia de planetes xigantes ta rellacionada con un parámetru amestáu al radiu de la órbita galáutica y non cola metalicidá.
Sistema planetariu
En redol a HD 4208 orbita un planeta denomináu HD 4208 b— con una masa mínimo del 80% de la masa de Xúpiter. Muévese a una distancia media de la estrella de 1,65 UA con un periodu orbital de 812 díes, a lo llargo d'una órbita similar a la de Marte nel nuesu Sistema Solar.
Ver tamién Llista de planetes estrasolares
Referencies
Categoría:Estrelles Categoría:Nanes marielles Categoría:Sistemes planetarios Categoría:Planetes estrasolares Categoría:Constelación de Sculptor