HV Hydrae (HV Hya / 3 Hydrae / HD 72968)HV Hydrae - Variable star (SIMBAD)HV Hydrae (The Bright Star Catalogue) ye una estrella variable de magnitú aparente +5,72 na constelación d'Hidra. Alcuéntrase a 268 años lluz de distancia del Sistema Solar.
HV Hydrae ye una estrella blanca de la secuencia principal de tipu espectral A1spe. Tien una temperatura efectivo de 9817 K y relluma con una lluminosidá 35 vegaes mayor que la lluminosidá solar. La so masa ye 2,30 vegaes mayor que la del Sol y tien una edá envalorada de 270 millones d'años.
HV Hydrae ye, al igual que β Hydrae —nesta mesma constelación—, una estrella químicamente peculiar que presenta conteníos anómalos de metales na so superficie. Tien un intensu campu magnéticu que varia con un periodu de 4,665 díes. Coles mesmes, ye una variable Alfa2 Canum Venaticorum; el so rellumu fluctúa 0,01 magnitúes nun ciclu de 5,57 díes. Estes estrelles rotan amodo; HV Hydrae xira sobre sigo mesma con una velocidá de rotación proyeutada de namái 18 km/s, bien inferior a la d'otres estrelles de tipu A.
Referencies
Categoría:Estrelles Categoría:Estrelles blanques de la secuencia principal Categoría:Estrelles variables Categoría:Variables Alfa2 Canum Venaticorum Categoría:Constelación d'Hidra