Iota Delphini (ι Del / 5 Delphini / HD 196544 / HR 7883)Iota Delphini - Spectroscopic binary (SIMBAD) ye una estrella na constelación del Delfín de magnitú aparente +5,42. Alcuéntrase a 177 años lluz del Sistema Solar.
Iota Delphini ye una estrella blanca de la secuencia principal de tipu espectral A2V con una temperatura efectivo de 9164 K. Al igual que'l Sol, esta clase d'estrelles llogren la so enerxía a partir de la fusión nuclear del hidróxenu, magar son más calientes y lluminoses qu'ésti. Dalgunes de les estrelles más brilloses nel cielu nocherniegu son estrelles blanques de la secuencia principal, siendo Siriu (α Canis Majoris) la más conocida; na constelación del Delfín, ζ Delphini ye otru exemplu notable.
Iota Delphini tien una lluminosidá 17 vegaes mayor que la lluminosidá solar y tien una mayor metalicidá que'l Sol, aproximadamente un 50% más elevada. Sicasí, unos pocos elementos —ente ellos el calciu— son menos abondosos que nel Sol y foi catalogada como estrella Am. La so velocidá de rotación ye de siquier 41 km/s —20 vegaes más rápida que la del Sol—, magar esti valor ye namái la llende inferior, una y bones la cifra real depende del enclín del so exa de rotación al respective de la Tierra. Tien una masa de 2,08 mases solares y consumió namái'l 38% de la so vida como estrella de la secuencia principal.
Iota Delphini ye una binaria espectroscópica con un periodu orbital de 11,039 díes, siendo la órbita moderadamente escéntrica (ε = 0,23).
Referencies
Categoría:Estrelles Categoría:Estrelles blanques de la secuencia principal Categoría:Estrelles binaries Categoría:Constelación de Delphinus