Ípsilon Aquarii o Úpsilon Aquarii (υ Aqr / 59 Aquarii)LTT 9081 -- High proper-motion Star (SIMBAD) ye una estrella na constelación d'Acuariu. La so magnitú aparente ye +5,20 y alcuéntrase a 74 años lluz del Sistema Solar. Ye miembru de l'Asociación estelar de Hércules-Lyra —definida per vegada primera en 2004—, a la que tamién paecen pertenecer α Circini y MN Ursae Majoris.Multiplicity and Age of the Hercules-Lyra Association. Thomas Eisenbeiss, T; Neuhäuser, R. (Astrophysikalisches Institut und Universitäts-Sternwarte Jena)
Ípsilon Aquarii ye una nana mariella de tipu espectral F7V que la so temperatura superficial ye de 6551 K. Xira sobre sigo mesma con una velocidá de rotación igual o mayor de 35,7 ± 1,8 km/s, completando una vuelta en menos de 2,18 díes. El so metalicidá pue ser comparable a la solar ([Fe/H] = +0,06), anque otra fonte establez un conteníu metálico un 73% mayor que'l del Sol ([Fe/H] = +0,24). Tien una masa de 1,34 mases solares y la so antigüedá nun ye bien conocida; diversos estudios cifren la so edá ente 150 y 1600 millones d'años.
Ípsilon Aquarii paez tener una compañera estelar que la so separación visual con ella ye de 6,1 segundos d'arcu. Descubierta en 2005, la separación y posición realtiva de les dos estrelles permaneció inalterada mientres más d'un añu, lo qu'indica a rellación física ente dambes. El rellumu de l'acompañante ye unes 125 vegaes menor que'l de Ípsilon Aquarii.
Referencies
Categoría:Estrelles Categoría:Nanes marielles Categoría:Estrelles binaries Categoría:Constelación d'Acuariu