Ji Cancri o Chi Cancri (χ Cnc / 18 Cancri / HD 69897)NLTT 19323 - High proper-motion Star (SIMBAD) ye la séptima estrella más brillosa de la constelación de Cáncer —el cámbaru— con magnitú aparente +5,14. Alcuéntrase a 59 años lluz de distancia del Sistema Solar.
Ji Cancri ye una estrella mariella de la secuencia principal de tipu espectral F6V. Al igual que'l Sol, la so enerxía provién de la fusión d'hidróxenu en heliu, pero ye más caliente y lluminosa qu'ésti, siendo les sos carauterístiques asemeyaes a les de Tabit (π³ Orionis). Con una temperatura efectivo ente 6190 y 6240 K, la so lluminosidá ye 2,57 vegaes mayor que la del Sol. Tien una metalicidá —bayura relativa d'elementos más pesaos que'l heliu— inferior a la solar. El so conteníu de fierro ye la metá que nel Sol, enclín reparáu na práutica totalidá de los elementos químicos evaluaos. Xira sobre sigo mesma con una velocidá de rotación de 5 km/s, dos veces y media más apriesa que'l Sol. La so masa ye ente un 6% y un 11% mayor que la masa solar y tien una edá envalorada de 3100 millones d'años.
Referencies
Categoría:Estrelles Categoría:Nanes marielles Categoría:Constelación de Cáncer