Kappa Delphini (κ Del / 7 Delphini)LTT 16027 -- High proper-motion Star (SIMBAD) ye una estrella na constelación del Delfín. De magnitú aparente +5,05, ye la octava estrella más brillosa na constelación. Alcuéntrase a 98 años lluz del Sistema Solar.
Kappa Delphini ye una subxigante mariella de tipu espectral G5IV con una temperatura efectivo de 5750 K. Ye 7,6 vegaes más lluminosa que'l Sol y xira sobre sigo mesma con una velocidá de rotación proyeutada —llende inferior de la mesma— de 10 km/s. Exhibe un conteníu metálico comparable a la solar, siendo'l so índiz de metalicidá [Fe/H] = +0,09. Tocantes a la so bayura relativa d'azufre —elementu sintetizáu n'estrelles bien masives na historia temprana de la galaxa—, la rellación [S/Fe] ye igual a -0,12. Con una masa de 1,4 mases solares, la so edá envalorada ye de 2800 - 3000 millones d'años.
Kappa Delphini tien una distante compañera estelar, denomada HD 196794 (HIP 101932), visualmente a 214 segundos d'arcu. Tien magnitú aparente +8,9 y ye una estrella naranxa de tipu K2IV o K2V.G 144-22 -- High proper-motion Star (SIMBAD) La separación real ente dambes estrelles ye igual o superior a 6400 UA.
Referencies
Categoría:Estrelles Categoría:Subxigantes Categoría:Estrelles binaries Categoría:Constelación de Delphinus