Kappa1 Lupi —o a cencielles Kappa Lupi— (κ1 Lup / HD 134481 / HR 5646) ye una estrella na constelación de Lupus de magnitú aparente +3,85.Kappa Lupi - Be star (SIMBAD) Comparte la denominación de Bayer Kappa con Kappa2 Lupi, estrella de magnitú +5,70 con un movimientu propiu similar.Kappa1 Lupi (The Bright Star Catalogue)
De tipu espectral B9.5Vne, Kappa1 Lupi ye, al igual que'l Sol, una estrella de la secuencia principal que la so enerxía provién de la fusión del hidróxenu nel so interior. Sicasí, ye una estrella muncho más caliente con una temperatura efectivo de 11.700 K y ye 151 vegaes más lluminosa que'l Sol. El so diámetru ye 2,3 vegaes más grande que'l diámetru solarKappa Lupi (Catalogue of Stellar Diameters, CADARS) y rota con una velocidá de 146 km/s, magar esti ye namái la llende inferior; el valor real depende del enclín de la so exa al respective de la Tierra. Ye una estrella Be que desenvolvió un discu circumestelar de materia pola perda de masa estelar nel so ecuador. 3,2 vegaes más masiva que'l Sol, tien una edá averada de 195 millones d'años.
Al contrariu qu'otres estrelles calientes de Lupus, Kappa1 Lupi nun forma parte de l'Asociación estelar de Scorpius-Centaurus. La so distancia al respective de nós, 182 años lluz, ye daqué menos de la metá de la d'otres estrelles —como α Lupi y β Lupi— que sí pertenecen a dicha asociación.
Referencies
Categoría:Estrelles Categoría:Constelación de Lupus