Kruger 60 (GJ 860 AB) ye un sistema estelar na constelación de Cepheus, unu de los más cercanos al Sistema Solar, del que s'atopa a 13,15 años lluz. Ye una estrella binaria compuesta por dos nanes coloraes que la so separación media ye de 9,5 UA, aproximadamente la distancia que dixebra Saturnu del Sol. L'acusada escentricidá de la órbita fai que la separación ente les dos estrelles varie dende 5,5 UA nel periastru a 13,5 UA nel apoastru. El periodu orbital ye de 44,67 años.
Kruger 60 A (HD 239960 / LHS 3814),GJ 860 A -- Star in double system (SIMBAD) de magnitú aparente +9,59, ye una estrella de tipu espectral M3V. Con una temperatura efectivo de 3380 K, tien una masa de 0,28 mases solaresThe one hundred nearest star systems (RECONS) y relluma col 1% de la lluminosidá solar. La so velocidá de rotación proyeutada ye de 7,0 km/s y la so metalicidá envalórase nun 91% de la que tien el Sol.
Kruger 60 B (HD 239960B / LHS 3815),V* DO Cep -- Flare Star (SIMBAD) de magnitú +11,40, ye más tenue que la so compañera. De tipu M4V y 3150 K de temperatura, tien una masa del 16% de la masa solar, siendo la so lluminosidá un terciu de la de la so compañera. La so velocidá de rotación proyeutada ye de 8,0 km/s. Amás ye una estrella acandilante que típicamente dobla'l so rellumu pa volver a la normalidá nun periodu de 8 minutos. Por ello recibe la denominación d'estrella variable DO Cephei.
Ver tamién Llista d'estrelles cercanes a la Tierra
Referencies
Categoría:Estrelles Categoría:Nanes coloraes Categoría:Estrelles binaries Categoría:Estrelles variables Categoría:Estrelles acandilantes Categoría:Constelación de Cepheus Categoría:Estrelles próximes al sistema solar