Lambda Arae (λ Ara / HD 160032 / HR 6569)Lambda Arae (SIMBAD) ye una estrella de magnitú aparente +4,77 asitiada na constelación d'Ara, l'altar. Alcuéntrase a 71 años lluz del Sistema Solar.
Enantes catalogada como una subxigante de tipu F3IV,Lambda Arae (The Bright Star Catalogue)güei Lambda Arae ye considerada una estrella blancu-mariella de tipu espectral F4V que, como'l Sol, funde hidróxenu en heliu. Con una temperatura superficial de 6675 K, ye unos 900 K más caliente que'l Sol y unes 5 vegaes más lluminosa qu'ésti. De carauterístiques asemeyaes a ψ Capricorni o g Lupi, ye llixeramente más lluminosa que cualesquier d'elles. Tien una masa envalorada un 30% mayor que la masa solar y xira sobre sigo mesma con una velocidá de rotación proyeutada de 16 km/s. Ye una posible estrella variable del tipu Delta Scuti.Lambda Arae (General Catalogue of Variable Stars)
Lambda Arae tien una bayura relativa de fierro inferior a la del Sol, aproximadamente un 54% de la d'ésti. La so edá ta entendida ente 1850 y 3300 millones d'años. Observaciones llevaes a cabu nel infrarroxu nun revelaron la presencia d'un discu de polvu alredor de Lambda Arae.
Referencies
Categoría:Estrelles Categoría:Constelación d'Ara