Lambda Cassiopeiae (λ Cas / 14 Cassiopeiae) ye una estrella binaria na constelación de Cassiopeia.CCDM J00318+5431AB -- Double or multiple star (SIMBAD) Alcuéntrase a 378 años lluz del Sistema Solar y forma parte de la gran asociación estelar de Cassiopeia-Taurus.
Les dos estrelles del sistema Lambda Cassiopeiae tán dixebraes ente sigo por menos d'un segundu d'arcu. La componente principal, de magnitú aparente +5,33, ye una estrella blancu-azulada de la secuencia principal de tipu espectral B8V. Tien una temperatura efectivo de 12.200 K y ye 153 vegaes más lluminosa que'l Sol. Con un radiu 2,8 vegaes más grande que'l radiu solar, la velocidá de rotación proyeutada del sistema —220 km/s— probablemente correspuenda a esta estrella, lo que trai un periodu de rotación de namái 0,64 díes (15,4 hores). La so masa ye tres veces mayor que la del Sol y tien una edá próxima a los 360 millones d'años.
La componente secundaria tien magnitú aparente +5,62, y ye tamién una estrella blancu-azulada anque de tipu espectral B9V. Daqué menos caliente que'l so acompañante, la so temperatura algama los 11.000 K. La so lluminosidá ye 92 vegaes mayor que la lluminosidá solar y tien un radiu 2,7 vegaes más grande que'l del Sol, siendo la so masa de 2,8 mases solares.
El periodu orbital del sistema ye de 536,5 años. La separación media ente les dos estrelles ye de 135 UA pero, al ser la órbita bien escéntrica (ε = 0,82), dicha separación bazcuya ente 245 y 25 UA.Lambda Cassiopeiae (Stars, Jim Kaler)
Referencies
Categoría:Estrelles Categoría:Estrelles binaries Categoría:Constelación de Cassiopeia