Lambda Leporis (λ Lep / 6 Leporis / HD 34816 / HR 1756) ye una estrella na constelación de Lepus, la llebre, de magnitú aparente +4,27.* lam Lep -- Star (SIMBAD)Lambda Leporis (The Bright Star Catalogue) Acordies col nuevu amenorgamientu de los datos de paralax del satélite Hipparcos, alcuéntrase a 1150 años lluz del Sistema Solar.
Lambda Leporis ye una subxigante blancu-azulada de tipu espectral B0.5IV. Bien caliente, tien una temperatura superficial de 26.850 K y una lluminosidá bolométrica —qu'inclúi una importante cantidá d'enerxía radiada como lluz ultravioleta— 13.480 vegaes mayor que la lluminosidá solar. El so radiu ye 4,5 ± 1,3 vegaes más grande que'l del Sol y xira sobre sigo mesma con una velocidá de rotación proyeutada de 25 km/s. Ye una estrella asemeyada a Becrux (β Crucis) o Dschubba (δ Scorpii), anque ta muncho más alloñada qu'éstes.
Lambda Leporis tien una masa de 12,2 ± 0,3 mases solares. Tien una edá envalorada de 600.000 años, equivalente a 1/7700 parte de la edá del nuesu Sol; sicasí, una estrella tan masiva vive una curtia vida y, ello ye que Lambda Leporis ta yá abandonando la secuencia principal. La so masa supera sobradamente la llende de percima del cual les estrelles rematen la so vida españando en forma de supernova.
Referencies
Categoría:Estrelles Categoría:Subxigantes Categoría:Constelación de Lepus