Ni Ophiuchi (ν Oph / 64 Ophiuchi / HD 163917)64 Ophiuchi (SIMBAD) ye una estrella de la constelación d'Ophiuchus, el portador de la culiebra, de magnitú aparente +3,31. Dacuando recibe'l nome de Sinistra, significando «la esquierda» en llatín, magar s'atopa asitiada na mano derecha d'Ophiuchus.Sinistra. Constellation of Words
Carauterístiques Distante 151 años lluz del Sistema Solar, Ni Ophiuchi ye una xigante naranxa de tipu espectral K0III, tamién catalogada como G9III, que la so temperatura efectivo ye de 4965 ± 40 K. A partir del so diámetru angular —2,79 ± 0,11 milisegundos d'arcu— llógrase que'l so radiu ye 14 vegaes más grande que'l radiu solar. Xira sobre sigo mesma con una velocidá de rotación proyeutada de 3,04 km/s,lo que trai un periodu de rotación d'hasta 34 díes.Nu Ophiuchi (Stars, Jim Kaler) La so lluminosidá equival a 123 vegaes la lluminosidá solar y presenta un conteníu metálico daqué percima del de la nuesa estrella ([Fe/H] = +0,13). Sicasí, el so conteníu de cianóxenu ye inferior al habitual, lo qu'implica un baxu conteníu de nitróxenu o carbonu. Tres veces más masiva que'l Sol, tien una edá averada de 330 - 445 millones d'años.
Compañeres subestelares
Conozse la esistencia de dos nanes marrones n'órbita alredor de Ni Ophiuchi. La más interior, denomada Ni Ophiuchi b, afayóse en 2004. Orbita a una distancia media de 0,18 UA de la estrella y el so periodu orbital ye de 536 díes.
Pela so parte, Ni Ophiuchi c afayóse en 2010 y el semiexe mayor de la so órbita ye de 5,88 UA, correspondiendo un periodu orbital de 3169 díes. Dambos oxetos tienen una masa mínimo similar, respeutivamente 22,3 y 24,5 vegaes la masa de Xúpiter para Ni Ophiuchi b y c. Lo más probable ye qu'estos dos compañeres subestelares formárense nun discu circumestelar alredor de la estrella.
Referencies
Categoría:Estrelles Categoría:Xigantes naranxes Categoría:Nanes marrones Categoría:Constelación d'Ophiuchus