Ni Virginis o Nu Virginis (ν Vir / 3 Virginis / HD 102212)3 Vir -- Semi-regular pulsating Star (SIMBAD) ye una estrella na constelación de Virgu de magnitú aparente +4,04. Alcuéntrase a unos 313 años lluz del Sistema Solar.
Ni Virginis ye una xigante colorada de tipu espectral M1III, una de les poques xigantes coloraes visibles a simple vista, que la so temperatura superficial ye de 3610 K. Considerando la radiación emitida nel infrarroxu, la so lluminosidá equival a 1075 soles. El so radiu, calculáu en función de la so temperatura y lluminosidá, correspuende a 84 radios solares o 0,39 UA, aproximadamente la distancia de Mercuriu al Sol. Sicasí, la midida del so diámetru angular —teniendo en cuenta'l escurecimientu de llimbu—, conduz al valor, claramente inferior, de 63 radios solares. Nesti últimu casu la so lluminosidá sería menor, equivalente a 600 vegaes la lluminosidá solar.Nu Virginis (Stars, Jim Kaler)
Nun se sabe con certidume l'estáu evolutivu nel que s'atopa Ni Virginis. Si considérase la lluminosidá más baxa, la so masa correspuende a 1,25 mases solares; nesti casu, pue tar amontando'l so rellumu con un nucleu inerte d'heliu, menguando en rellumu mientres el heliu se funde en carbonu, o amontando'l so rellumu con un nucleu de carbonu. Considerando la lluminosidá mayor, Ni Virginis ye una estrella más masiva —1,7 mases solares—, amontando'l so rellumu con un nucleu inerte de carbonu. Una pequeña variación nel so rellumu de 0,1 magnitúes suxer la última opción, tando catalogada como una variable semirregular.
Referencies
Categoría:Estrelles Categoría:Xigantes coloraes Categoría:Estrelles variables Categoría:Variables semirregulares Categoría:Constelación de Virgu