Ómicron Sagittarii (ο Sgr / 39 Sagittarii / HD 177241 / HR 7217) ye una estrella na constelación de Saxitariu de magnitú aparente +3,77. Nun tien nome propiu habitual anque en China yera conocida, xunto a Polis (μ Sagittarii) y ξ Sagittarii, como Kien Sing, «l'estil de la bandera». Alcuéntrase a 142 años lluz del Sistema Solar.
Ómicron Sagittarii ye una xigante naranxa de tipu espectral K0IIIOmi Sgr - star (SIMBAD) con una temperatura efectivo de 4906 K. Tien un diámetru 11 vegaes más grande que'l del Sol, cifra calculada a partir del so diámetru angular —2,44 ± 0,12 milisegundos d'arcu—. Relluma con una lluminosidá 68 vegaes mayor que la del Sol. Les sos carauterístiques son asemeyaes a les de Pólux (β Geminorum) o τ Sagittarii, esta postrera tamién na constelación de Saxitariu. Tien una masa envalorada ente 2,14 y 2,63 mases solares y una edá averada de 513 millones d'años.
Ómicron Sagittarii exhibe una metalicidá comparable a la solar ([Fe/H] ≈ -0,01). Práuticamente la totalidá de los elementos evaluaos —ente ellos aluminiu, calciu, titaniu, níquel o vanadiu— presenten niveles asemeyaos a les solares; namái'l bariu paez llixeramente más abondosu que nel nuesu Sol.
Referencies
Categoría:Estrelles Categoría:Xigantes naranxes Categoría:Constelación de Saxitariu