Ómicron Velorum (ο Vel / HD 74195 / HR 3447)Omicron Velorum (SIMBAD) ye una estrella de la constelación de Vela. Recibe'l nome tradicional, pocu utilizáu, de Xestus, del griegu Ξηστως (Xestos), nome de la deidá de les corrientes marines qu'ayudó a emponer al navío Argo mientres el so viaxe.
Ómicron Velorum ye la estrella más brillosa del cúmulu abiertu IC 2391, llamáu tamién Cúmulu de Ómicron Velorum. Asitiáu a unos 500 años lluz del Sistema Solar, IC 2391 ye un cúmulu nuevu que la so edá envalórase nunos 40 o 50 millones d'años.
Carauterístiques Ómicron Velorum ye una subxigante blancu-azulada de tipu espectral B3IV con una temperatura de 14.800 K. La so lluminosidá ye 2550 vegaes mayor que la del Sol,Omicron Velorum. Extended Hipparcos Compilation (XHIP) (Anderson+, 2012) siendo'l so radiu 7,2 vegaes más grande que'l radiu solar. Tien una masa siete veces mayor que la masa solar y una edá averada de 40 millones d'años. La so velocidá de rotación proyeutada —llende inferior de la mesma— ye de 40 km/s.Omicron Velorum (The Bright Star Catalogue)
Catalogada primero como una variable Beta Cephei, anguaño considérase que Ómicron Velorum ye una «variable pulsante lenta» (SPB) similar a 53 Persei o 53 Piscium. El so rellumu varia ente magnitú +3,55 y +3,67 a lo llargo d'un periodu de 2,779 díes.Omicron Velorum (General Catalogue of Variable Stars)
Por cuenta de la precesión de la Tierra, esta estrella va marcar el polu sur celeste aproximadamente nel añu 9600 de la nuesa era.
Referencies
Categoría:Estrelles Categoría:Subxigantes Categoría:Estrelles variables Categoría:Constelación de Vela